Kanonku Dun Karm Attard, BA, Lic.D. Direttur Spiritwali Onorarju

 Fl-Lulju 1970 tħabbar li kien se jkun hemm Kappillan ġdid fil-Parroċċa tal-Qrendi. Dan kien Dun Karm Attard qassis minn Ħaż-Żebbuġ, Malta. Dun Karm Attard ħa l-pussess tiegħu fit-2 ta’ Awwissu 1970 u kienet inħarget l-Istatwa Titulari għal din l-okkażjoni.

 Dun Karm huwa studjuz tal-Bibbja u huwa kien ta l-għajnuna lis-Soċjeta` tal-M.U.S.E.U.M meta din ġiet biex tistampa t-traduzzjoni tal-Bibbja li kien għamel Monsinjur Saydon.  Dun Karm kien kiteb tifsir aktar ħafif u aġġornat għal kull wieħed mill-kotba tat-Testment il-Qadim. 

Dun Karm Attard ċċelebra l-25 Sena mill-Ordinazzjoni Sacerdotali tieghu fil-15 ta’ Marzu 1992. Fis-sena 1995 kien jaħbat il-25 sena anniversarju minn meta l-Arċisqof għażel lil Dun Karm Attard bħala Kappillan tal-Parroċċa tal-Qrendi. Fl-1975 huwa kien beda programm ta’ xogħol estensiv fil-Knisja.  Huwa bidel is-sistema ta’ l-elettriku, għamel il-kalamita għas-sajjetti, żebagħ il-Knisja kollha u nduraha.  Kesa l-koppla u s-saqaf kollu bl-iskultura u bil-pittura fuq il-ħajja tal-Madonna u ndura diversi gandlieri, għamel tapiti u bukketti ġodda tal-ganutell għall-artali kollha.  Fi żmienu tlesta d-damask tal-Festa Titulari u saru żewġ linef kbar tal-kristall.

Nikol Aquilina twieled is-Siġġiewi fis-27 ta’ Novembru 1935. Hu studja fl-iskola Primarja tas-Siggiewi, Ħaż-Żebbuġ u l-Furjana. Attenda wkoll l-iskola ta’ San Mikiel il-Marsa u l-Liceo.  Nikol miżżewweġ lil Tereża nee’ Sciberras mill-Qrendi fl-24 ta’ Mejju 1959. Nikol wettaq id-dmirijiet tiegħu f’xogħolu kemm f’Malta u anke barra l-pajjiż f’karigi li huwa kellu ma’ l-Uffiċċju ta’ l-Affarijiet Barranin. Nikol inħatar bħala l-ewwel Sindku tal-Qrendi fl-Elezzjonijiet tal-1993.

Huwa wera ġibda lejn is-Soċjeta` Mużikali Santa Marija tal-Qrendi hekk kif ġie joqgħod fir-raħal. Insibu li mill-1960 sas-sena 1967, huwa kien Vici President. Fis-sena 1967 huwa mar Ruma fuq xogħol u rritorna lura fl-1970. Mill-1982 u 1983 huwa rega’ kien Vici President. Mill-1984 sal-1995 kien l-20 President tas-Soċjeta`. Nikol ħadem biex tiġi mkabbra l-pubblikazzjoni annwali tal-Festa ta’ l-Assunta.    Hu jikteb u jippubblika poeziji u sunetti fuq tema Marjana. Kiteb il-lirika ta’ diversi marċi Hu rriżenja mill-kariga minħabba fir-regolamenti ta’ l-Istatut u biex jikkontesta l-Elezzjoni Generali ta’ l-1998. 

F’Jannar ta’ l-1996 Nikol Aquilina nħatar President Onorarju bħala rikonoxximent tas-servizz twil li hu ta lis-Soċjeta` Mużikali Santa Marija.  Huwa nħatar ukoll Chairperson ta’ l-Akkademja tal-Mużika u għadu jokkupa sal-lum

Mr. Nikol Aquilina  

Peter Sellers twieled f’Portsmouth l-Ingilterra fis-17 ta’Awwissu 1937 u ħa l-edukazzjoni tiegħu fin-Northern Grammar School ta’ Portsmouth bejn l-1948 u l-1955.  Kompla l-istudji tiegħu f’Keele bejn l-1955 u l-1959 fejn ħa l-B.Sc. fil-kimika u l-fiżika. Wara ħa l-Ph.D fil-kimika fl-Universita` ta’ Manchester. Huwa kellu diversi ħatriet prestiġjużi fl-Universita` ta’ Lund fl-Isvezja.  Peter huwa miżżewweġ lil Pia Margarita Nordindorph LLd.

Peter Sellers iqatta l-vaganzi tiegħu fir-raħal tal-Qrendi hu huwa kien jiffrekwenta l-Kazin Santa Marija. Huwa kien talab li jissieħeb fis-Soċjeta` bħala Membru. Il-Kumitat Ċentrali ħass li persunaġġ ta’ dan il-kalibru kellu jiġi aċċettat bil-ferħ u fil-fatt ġie offrut lilu il-post ta’ President Onorarju.

Peter u l-mara tiegħu Pia għandhom ammirazzjoni kbira lejn il-bini tal-Każin il-Ġdid

Mr. Peter Sellers

Chev. Dr. Alfred Bonnici KM, MD, B.Pharm., Cert(GAM.UK), FRSM, F.R.S.H., F.R.A.E.S, Ex-MP  

Dr. Godfrey Farrugia M.D

Mr Nicholas Aquilina (USA) Imwieled Malta, jghix l-Amerika.